Abajyanama b'Ubuzima bahawe telefone zigezweho zo kwifashisha mu kazi

Abajyanama b'Ubuzima bo mu duce twose dukorerwamo n'Ibigo Nderabuzima bikorana n'Ibitaro by'Akarere bya Remera-Rukoma bahawe telefone zigezweho (smartphones) zizabafasha gukoresha sisitemu ya C-EMR, ibafasha kubika no gucunga amakuru y'abarwayi hifashishijwe ikoranabuhanga.

Abajyanama b'Ubuzima ni inkingi ya serivisi z'ubuvuzi z'ibanze (Primary Health Care - PHC). Batuma serivisi z'ingenzi z'ubuvuzi zigerwaho n'abaturage aho batuye, kandi bagira uruhare rukomeye mu guteza imbere ubuzima n'imibereho myiza y'abaturage bo mu gace gakorerwamo n'Ibigo Nderabuzima ndetse n'Ibitaro by'Akarere.